لي اسبوعين تقريبا اجرب مجموعة سيجما للعناية بالحواجب. فيه على ما اعتقد درجتين او ثلاثة، جبت اغمق واحد. المجموعة فيها •مقص حواجب•ملقط جواجب
•فرشة بجهتين وحدة فرشة حواجب و الثانيه فرشة مشطوفة لبودرة الحواجب (مدري وين اختفت 😅) •بودرة حواجب درجتين
•اضاءة نوعين مات و شيمر
•قلم شمع لتثبيت الحواجب
اول شي الملقط و المقص نوعية كويسة، الفرشة نفس الشي بس ودي لو انهم زايدين فرشة للاضاءة.
البودرة درجتين وحدة غامقة و وحدة افتح شوي. انا لقيت ان الفاتحة ممكن استخدمها لتعبئة الفراغات بس، و الغامقة ناسبتني اكثر في تحديد شكل الحواجب.
الاضاءة حلوة مرة، استخدم المطفي على حدود الحواجب. و اللي يلمع على عظمة الجفن. يعطي شكل احلى.
اما اكثر شي عجبني بكل المجموعة هو قلم الشمع للتثبيت. اختراع ممتاز خاصة للي يعانون زيي احيانا حواجبي تجيهم حالة انسداح حتى جل الحواجب ما ينفع. الشمع يثبته في مكانه ولا يتحرك 🙅🙅 احد منكم جرب المجموعة؟ ايش رايكم؟ 😍